Fatehpur.Today (Swat)

شجاع اللہ صاحب، جو ایک تجربہ کار ماہر تعلیم ہیں، نے اپنی گفتگو میں علاقے کے سماجی اور اخلاقی مسائل پر نہایت سنجیدہ اور سوچنے والا مؤقف پیش کیا۔ ان کا کہنا تھا کہ گاؤں کے مسائل صرف کسی ایک فرد یا ادارے کی ذمہ داری نہیں ہوتے بلکہ پورے گاؤں کے لوگ اس کا حصہ ہوتے ہیں۔ ہر خاندان کو اپنی ذمہ داری نبھانی چاہیے، ورنہ مسائل مزید بڑھتے جاتے ہیں۔ انہوں نے واضح کیا کہ ووٹ اور پیسے پر سمجھوتہ نہیں ہونا چاہیے اور نہ ہی کسی قسم کے جرم کا حصہ بننا چاہیے۔ کردار سازی ان کے مطابق ایک ایسی بنیاد ہے جو قوموں کو مضبوط کرتی ہے۔ انہوں نے اس پر بھی روشنی ڈالی کہ قوم ساتھ کیوں نہیں دیتی، اس کے پیچھے حقیقی معاشرتی وجوہات موجود ہیں جنہیں نظرانداز نہیں کیا جاسکتا۔ شجاع اللہ صاحب نے زور دیتے ہوئے کہا کہ تعلیم ہی قوم بناتی ہے اور قوم کو خود اپنے لیے کھڑا ہونا پڑتا ہے۔ انہوں نے افسوس کے ساتھ کہا کہ فتح پور کے عوام میں اتحاد کی کمی ہے، جس کے باعث مسائل پیچیدہ ہوتے جا رہے ہیں۔ ان کے بقول جس قوم کو تباہ کرنا ہو اسے منشیات میں دھکیل دیا جاتا ہے، اس لیے معاشرے کو اس لعنت سے بچانا ضروری ہے۔ آخر میں انہوں نے یہ تجویز دی کہ ...

اسسٹنٹ کمشنر صاحب کے نام اپیل محترم اسسٹنٹ کمشنر صاحب جناب عالی ہمارے بازاروں میں اینکروچمنٹ کے ساتھ ساتھ گاوں کو ایک اور بہت سنگین مسئلہ درپیش ہے جس کی طرف فوری توجہ ضروری ہے۔ ہمارا گاوں سڑک کے اوپر اور نیچے آباد ہے۔ اوپر کا حصہ پہاڑی علاقے پر مشتمل ہے جہاں گزشتہ تیس چالیس برس میں ہونے والی تعمیرات کے باعث روزانہ بڑی مقدار میں ملبہ نکلتا ہے۔ بارش کے دوران یہ سارا ملبہ نیچے آبادی کی طرف آ جاتا ہے اور گھروں، راستوں اور پانی کے چینلز کو بند کرکے مسلسل مشکلات پیدا کرتا ہے۔ یہ صورتحال اب معمولی نہیں رہی۔ آدھے گاوں کی روزمرہ زندگی اس کی وجہ سے متاثر ہو رہی ہے۔ درخواست ہے کہ اس حوالے سے ایک واضح طریقہ کار اور ضابطہ تشکیل دیا جائے تاکہ جو شخص ملبہ پیدا کرے وہی اس کی مناسب تلفی کا ذمہ دار ہو۔ پہلے اہل علاقہ اپنے حصے کا خیال رکھتے تھے لیکن اب معاملہ اس حد تک بڑھ چکا ہے کہ انتظامی مداخلت ناگزیر ہو گئی ہے۔ اس کے علاوہ کئی مقامات پر پرانے واٹر چینلز میں ستون لگائے گئے ہیں یا قبضہ کیا گیا ہے جو واضح طور پر اینکروچمنٹ میں شمار ہوتا ہے۔ اس کی بھی مکمل جانچ پڑتال اور قانونی کارروائی کی درخواست کی جاتی...

فتح پور اور میاندم یونین کونسل کے عوام نے بجلی کی غیر منصفانہ لوڈشیڈنگ پر شدید تشویش کا اظہار کیا ہے۔ اس سلسلے میں اقبال خان، صدر فتح پور فلاحی کمیٹی نے کمیٹی کے اجلاس سے خطاب کرتے ہوئے کہا کہ اگرچہ دیگر علاقوں میں چھ گھنٹے کی لوڈشیڈنگ کی جا رہی ہے، مگر فتح پور اور میاندم کے عوام کو آٹھ، نو اور دس گھنٹے تک بجلی سے محروم رکھا جا رہا ہے، جو سراسر ناانصافی ہے۔ انہوں نے کہا کہ بعض عوامی نمائندے اپنے قریبی علاقوں کو خصوصی رعایت دلوانے میں سرگرم ہیں، جبکہ ہمارے علاقوں کے ساتھ ایسا برتاؤ کیا جا رہا ہے جیسے یہاں کے لوگ کسی کی سرپرستی سے محروم ہوں۔ اس امتیازی رویے نے شہریوں میں سخت بے چینی پیدا کر دی ہے۔ اقبال خان نے اسسٹنٹ کمشنر سے فوری مداخلت کی اپیل کرتے ہوئے کہا کہ ضروری ہے کہ تمام یونین کونسلز کے ساتھ مساوی سلوک کیا جائے اور لوڈشیڈنگ کے اوقات کو منصفانہ بنیادوں پر تقسیم کیا جائے۔ ان کا کہنا تھا کہ اگر یہ سلسلہ یوں ہی جاری رہا تو عوامی غصہ بڑھے گا اور حالات انتشار کی طرف جا سکتے ہیں، جو کسی کے مفاد میں نہیں۔ انہوں نے مطالبہ کیا کہ اعلی حکام اس صورتحال کا فوری نوٹس لیں تاکہ عوام کو ریلیف ملے...

دل کی گہرائیوں سے میں یہ بات کہنے کی جسارت کر رہا ہوں کہ مجھے اس امر کی دلی خوشی ہے کہ یہ تنظیم وجود میں آ چکی ہے۔ میں ایک تجویز پیش کرنا چاہوں گا کہ صفائی کے لیے ایک دن بزرگ شہریوں کا انتخاب کیا جائے، جس میں بہادر خان، بیلہ در خان، ہارون الرشید خان، اقبال خان، خود میں، اور دیگر ساٹھ سال یا اس سے زائد عمر کے معزز شہری شامل ہوں۔ اس موقع پر جھاڑو اور دیگر ضروری انتظامات کیے جائیں تاکہ ہم سب مل کر گاؤں کی صفائی کریں۔ اس عمل کو کسی قسم کی تشہیر سے پاک رکھا جائے تاکہ اس کا اثر زیادہ خالص اور بامعنی ہو۔ اس سے نئی نسل میں شعور اور ذمہ داری کا احساس بیدار ہوگا اور ایک مثبت پیغام معاشرے تک پہنچے گا۔ کمیٹی کے صرف ممبران سے پانچ سو روپے کی وصولی کافی نہیں سمجھی جا سکتی۔ ہمارے گاؤں میں ایسے کئی صاحبِ حیثیت افراد موجود ہیں جن کے باغات اور ذرائع آمدن قابلِ ذکر ہیں۔ ان سے بھی رابطہ کیا جانا چاہیے تاکہ وہ کمیٹی کے کاموں میں دل کھول کر حصہ ڈالیں۔ البتہ اس پورے نظام میں کمیٹی کی کارکردگی اور تسلسل بنیادی حیثیت رکھتی ہیں۔ اگر یہ تسلسل برقرار رہا تو ان شاء اللہ ایک وقت آئے گا جب پورا گاؤں اس کے ساتھ کھڑا ...

پــــانــــچ مـــــاہ کــــی کــــارکــــردگــــی رپورٹ فنانس سیکرٹری ڈاکٹر شرافت علی خان نے کمیٹی کی پہلی پانچ ماہ کی کارکردگی رپورٹ پیش کی۔ فنڈز کی مجموعی صورتحال پانچ ماہ کے دوران 87,500 روپے جمع کیے گئے۔ یہ رقم کمیٹی کے 32 ممبران نے ہر ماہ پانچ سو روپے فی کس کے حساب سے ادا کی۔ ترقیاتی کام اور خرچ جمع شدہ فنڈز سے گاؤں میں صفائی اور پانی کی نکاسی کے لیے اہم کام مکمل کیے گئے۔ ممتاز حسین (لوکل باڈی چیئرمین) اور گاؤں کے سیکرٹری کے تعاون سے دو واٹر کینالز کی مکمل صفائی کی گئی۔ کینالز سے نکالی گئی 70 سے 80 ڈائنوں اور ملبے کی صفائی اور ٹھکانے لگانے پر 62,200 روپے خرچ ہوئے۔ واٹر کینال کی بہتری الفاروق مسجد کے قریب بالائی واٹر کینال کے بند حصوں میں دو بڑے پائپ نصب کیے گئے تاکہ پانی کی روانی بہتر ہو سکے۔ اس کے علاوہ گزرگاہ کو بھی ہموار کیا گیا تاکہ لوگوں کو آمدورفت میں آسانی رہے۔ صفائی کے نظام میں بہتری رحمان اللہ صاحب نے کوڑا کرکٹ جمع کرنے کے لیے جگہ فراہم کی، جس پر کمیٹی ان کی شکر گزار ہے۔ اس جگہ پر ایک مختصر باؤنڈری وال بنائی گئی   صفائی کے نظام کو بہتر بنانے کے لیے دو افراد کو رو...

سوات: مختلف ڈی آر سیز کا سالانہ کارکردگی کا جائزہ لینے کے لیے تھانہ فتحپور میں پروقار تقریب کا انعقاد سوات () ڈی پی او سوات محمد عمر خان کی ہدایات کے مطابق، ایس پی اپر سوات شوکت علی کی سربراہی میں ڈی آر سیز کی سالانہ کارکردگی کا جائزہ لینے کے لیے تھانہ فتح پور میں ایک پروقار تقریب کا انعقاد کیا گیا۔ تقریب میں ڈی آر سیز بحرین، مدین، کالاکوٹ، فتح پور اور خوازہ خیلہ کے چیئرمینوں اور ممبران سمیت خواتین ڈی آر سی ممبران نے بھی شرکت کی۔ تقریب میں ڈی آر سی بحرین، مدین، کالا کوٹ، فتح پور اور خوازہ خیلہ کے چیئرمینوں نے اپنی اپنی ڈی آر سیز کی سالانہ کارکردگی رپورٹ پیش کی۔ ایس پی اپر سوات نے تمام ڈی آر سیز کی کارکردگی کا تفصیلی جائزہ لیتے ہوئے عوام الناس کو مفت انصاف کی فراہمی، بلاعوض انصاف تک رسائی اور ان کے مختلف نوعیت کے مسائل کو میرٹ کی بنیاد پر حل کرنے پر تمام ڈی آر سی اراکین کی بے مثال خدمات اور کاوشوں کو سراہا۔ انہوں نے کہا کہ ڈی آر سیز دلوں کو جوڑنے کا کام کرتی ہیں، ان کے مفت انصاف کے باعث بہت سے خاندان بغل گیر ہو کر اپنی سابقہ دل بدیاں بھول گئے ہیں اور اب ایک دوسرے کے ساتھ خوشیوں بھری زند...

گاؤں فتحپور کی جامع مسجد الفلاح میں ایک اہم جرگہ منعقد ہوا، جس میں گاؤں کے بالائی حصے کی صفائی کے حوالے سے تفصیلی میٹنگ کی گئی۔ اجلاس میں اس بات پر اتفاق کیا گیا کہ علاقے کی صفائی کو ترجیحی بنیادوں پر جلد از جلد مکمل کیا جائے گا، تاکہ ماحول کو صاف ستھرا اور صحت مند بنایا جا سکے۔ اہلِ علاقہ سے بھی گزارش ہے کہ صفائی مہم میں بھرپور تعاون کریں اور اپنے اردگرد کے ماحول کو بہتر بنانے میں اپنا کردار ادا کریں۔

#احتجاجی مظاہرہ  جماعت اسلامی تحصیل خوازہ کے زیراہتمام  کمرتوڑمہنگاٸی ناروالوڈشیڈنگ کے خلاف تحصیل چوک فتح پور میں احتجاجی مظاہرہ سےمحمداسحاق ،جناب حبیب اللہ اللہ ثاقب امیر جماعت اسلامی ضلع بر سوات  محمد احسان اللہ امیر جماعت اسلامی تحصیل خوازہ خیلہ خطاب کر رہے ہیں