فتح پور میں ملبہ مسئلے اور اینکروچمنٹ کے حل کے لیے اسسٹنٹ کمشنر سے فوری مداخلت کی اپیل

اسسٹنٹ کمشنر صاحب کے نام اپیل

محترم اسسٹنٹ کمشنر صاحب

جناب عالی

ہمارے بازاروں میں اینکروچمنٹ کے ساتھ ساتھ گاوں کو ایک اور بہت سنگین مسئلہ درپیش ہے جس کی طرف فوری توجہ ضروری ہے۔ ہمارا گاوں سڑک کے اوپر اور نیچے آباد ہے۔ اوپر کا حصہ پہاڑی علاقے پر مشتمل ہے جہاں گزشتہ تیس چالیس برس میں ہونے والی تعمیرات کے باعث روزانہ بڑی مقدار میں ملبہ نکلتا ہے۔ بارش کے دوران یہ سارا ملبہ نیچے آبادی کی طرف آ جاتا ہے اور گھروں، راستوں اور پانی کے چینلز کو بند کرکے مسلسل مشکلات پیدا کرتا ہے۔

یہ صورتحال اب معمولی نہیں رہی۔ آدھے گاوں کی روزمرہ زندگی اس کی وجہ سے متاثر ہو رہی ہے۔ درخواست ہے کہ اس حوالے سے ایک واضح طریقہ کار اور ضابطہ تشکیل دیا جائے تاکہ جو شخص ملبہ پیدا کرے وہی اس کی مناسب تلفی کا ذمہ دار ہو۔ پہلے اہل علاقہ اپنے حصے کا خیال رکھتے تھے لیکن اب معاملہ اس حد تک بڑھ چکا ہے کہ انتظامی مداخلت ناگزیر ہو گئی ہے۔

اس کے علاوہ کئی مقامات پر پرانے واٹر چینلز میں ستون لگائے گئے ہیں یا قبضہ کیا گیا ہے جو واضح طور پر اینکروچمنٹ میں شمار ہوتا ہے۔ اس کی بھی مکمل جانچ پڑتال اور قانونی کارروائی کی درخواست کی جاتی ہے۔

امید ہے کہ آپ اس اہم عوامی مسئلے پر فوری توجہ دیں گے۔

حسن خان

فتح پور فلاحی کمیٹی

جنرل سیکٹری

https://youtu.be/iUv363MQYOY?is=Pp-h5jJkpE8tcssH